paralyticum qui a quattuor portabatur. 4Et cum non possent offerre eum illi prae turba, nudaverunt tectum ubi erat, et patefacientes summiserunt grabatum in quo paralyticus iacebat. 5Cum vidisset autem Iesus fidem illorum, ait paralytico Filii, dimittuntur tibi peccata. 6Erant autem illic quidam de scribis sedentes et cogitantes in cordibus suis 7Quid hic sic loquitur? blasphemat: quis potest dimittere peccata nisi solus deus? 8Quo statim cognito Iesus spiritu suo quia sic cogitarent inter se, dicit illis Quid ista cogitatis im cordibus vestris? 9Quid est facilius, dicere paralytico Dimittuntur tibi peccata, an dicere Surge et tolle grabattum tuum et ambula? 10Ut autem sciatis quia potestatem habet filius hominis in terra dimittendi peccata, ait paralytico 11Tibi dico Surge tolle grabattum tuum et vade in domum tuam. 12Et statim ille surrexit sublato grabatto abiit coram omnibus, ita ut ammirarentur omnes et honorificarent deum, dicentes quia numquam sic vidimus. 13 (21, 2.)Et egressus est rursus ad mare, omnisque turba veniebat ad eum, et docebat eos. 14Et cum praeteriret, vidit Levin Alphei sedentem ad teloneum, et ait illi Sequere me. Et surgens secutus est eum. 15 (22, 2.)Et factum est cum accumberet in domo illius, multi publicani et peccatores simul discumbebant cum Iesu et discipulis eius; erant enim multi qui et sequebantur eum. 16Et scribae et Pharisaei videntes quia manducaret cum peccatoribus et publicanis dicebant discipulis eius Quare cum publicanis et peccatoribus manducat et bibit magister vester? 17 (23, 2.)Hoc audito Iesus ait illis Non necesse habent sani medicum sed qui male habent: non enim veni vocare iustos sed peccatores. 18Et erant discipuli Iohannis et Pharisaei ieiunantes: et veniunt et dicunt illi Quare discipuli Iohannis et Pharisaeorum ieiunant, tui autem discipuli non ieiunant? 19Et ait illis Iesus Numquid possunt filii nuptiarum quamdiu sponsus cum illis est ieiunare? Quanto tempore habent secum sponsum, non possunt ieiunare. 20Venient autem dies cum auferetur ab eis sponsus, et tunc ieiunabunt in illa die. 21Nemo assumentum panni rudis assuit vestimento veteri: alioquin auferet supplementum novum a veteri, et maior scissura fit. 22Et nemo mittit vinum novellum in utres veteres: alioquin disrumpet vinum utres, et vinum effunditur et utres peribunt: sed vinum novum in utres novos mitti debet. 23 (24, 2.)Et factum est iterum cum sabbatis ambularet per sata, et discipuli eius coeperunt praegredi et vellere spicas. 24Pharisaei autem dicebant ei Ecce quid faciunt sabbatis quod non licet? 25Et ait illis Numquam legistis quid fecerit David, quando necessitatem habuit et esuriit ipse et qui cum eo erant? 26quomodo introiit domum dei sub Abiathar principe sacerdotum et panes
