bum conspexērunt mercatores qui petebant Ægyptum cum camēlis portantibus varia aromata.
Venit illis in mentem Josephum vendere.iis mercatoribus.
Qui emērunt Josephum viginti nummis argenteis, eumque duxerunt in Ægyptum.
Tunc fratres Josephi tinxerunt togam ejus in sanguine hædi quem occiderant, et miserunt eam ad patrem cum his verbis: Invenimus hanc togam; vide an toga filii tui sit.
Quam quum agnovisset pater, exclamavit: Toga filii mei eat: fera pessima devorāvit Josephum. Deindè scidit vestem, et induit cilicium.
Omnes filii ejus convenerunt ut lenirent dolōrem patris; sed Jacobus noluit accipere consolationem, dixitque: Ego descendam marens cum filio meo in sepulcrum.
Putiphar Egyptius emit Josephum à mercatoribus.
Deusautem fāvit Putiphari causâ Josephi: omnia ei prosperè succedebant.
Quam ob rem Josephus benignè habitus est ab hero, qui præfécit eum domui sus.
