alterum vērò securi percussum suspendit ad påium. Ità res somnium comprobavit.
Tamen præfectus pincernarum oblitus est Josophi, nec illius in se meriti recordātus est.
Post biennium rex ipse habuit somnium. Videbatur sibi adstāre Nilo flumini: et ecce emergebant de flumine septem vacca pingues, que pascebantur in palūde. Deindè septem aliæ vaccæ macilenta exierunt ex eodem flumine, quæ devorārunt priores.
Pharao experrectus rursùm dormivit, et alterum habuit somnium. Septem spice plenæ enascebantur in uno culmo, aliæque totidem exiles succrescebant, et spicas plēnas consumēbant.
Ubi illuxit, Pharao perturbatus convocavit omnes conjectōres Ægypti, et narravit illia somnium; at nemo poterat illud interpretāri.
Tunc præfectus pincernarum dixit Regi: Confiteor peccatum meum; quum ego et præfectus pistōrum essemus in carcere, uterque somniavimus eadem nocte.
Erat ibi puer Hebræus, qui nobis sapienter interpretatus est somnia; res enim interpretationem comprobavit.
