Deus autem in monte loquebatur è media nube inter fulgura et tonitrua.
Hæc porrò sunt verba quæ protulit Deus: “Ego sum Dominus, qui eduxi vos è servitūte Ægyptiōrum.
“Non erunt vobis dii alieni: ego ūnus Deus, et non est alius præter me.
“Non usurpabitis nōmen Dei vestri temerè et sine causa.
“Sabbato nullum opus faciêtis: colite patrem vestrum et mātrem vestram: non occidėtis, non adulterabitis.
“Non faciétis furtum: non dicētis falsum testimonium adversùs proximum vestrum: non concupiscētis rem alterius.”
Moses à Deo monitus, confici jussit tabernaculum ex pellibus et cortinis pretiosissimis, insuper arcam fœderis aūro pūro vestitam, in quâ reposuit tabulas légis divinæ.
Quum jam in conspectu haberet terram à Deo promissam, mortuus est vir sapientiâ et cæteris virtutibus plānè admirabilis.
Luxit eum populus diebus triginta.