Pagina:Gallia Christiana, 1715, T1.djvu/514

E Wikisource
Haec pagina emendata est
951
952
ECCLESIA CABELLICENSIS.

ANNI CHRISTI.
AAvenione ſedente, in Italiam, ad gubernandas ſanctæ Rom. eccl. terras. Obiit Peruſii vi. cal. Sept. anno 1372. cujus corpus ad hoc monaſterium Cartuſienſium Boni-paſſus delatum ibidem ſepultum fuit cura domini Ægidii Aicelini de Monte-acuto epiſcopi cardinalis Tuſculani, aliorum executorum teſtamenti ejus.

Philippi meminit cum laude Innocentius papa VI. ſcribens calendis Auguſti anno ix. ſui pontificatus Henrico comiti de Traſtamara, ad quem papa eum miſerat. Statuta quædam pro ſua diœceſi fecit, ut intelligimus ex hisB quæ legimus in ſerie abbatum Pſalmodienſium, nimirum Baucelinum hujus loci abbatem adfuiſſe confirmationi ſtatutorum eccleſiæ Cavallionenſis ſub Philippo epiſcopo. Adfuit anno 1365. concilio Aptenſi, cujus in actis appellatur patriarcha Jeroſolymitanus, & Cavellicenſis eccleſiæ adminiſtrator perpetuus. Robertus, Sammanhani, & qui poſt Philippum de Cabaſſole, quemdam Guillelmum de Cabanis recenſent, quamvis nihil de ipſo nos doceant, aiuntque eum ſediſſe anno 1361. allucinationis revincuntur ex mox dictis. Certe ſi præfuit hic epiſcopus, ipſi tantum aſſignari poteſt annus 1366.1366.C

XXXV. Franciscusde Cardaillac. I.

Franciſcus de Cardaillaco, de cujus nobili genere diximus in Cadurcenſibus epiſcopis, ex ordine Minorum aſſumtus eſt ad regendam eccleſiam Cavallionenſem anno 1366. menſe Octobri. Quædam chartæ annorum 1379. & 1388.1379.
1388.
ejus ut epiſcopi Cabellicenſis tunc ſedentis nomen exhibent. Certe de illo, poſtquam migravit ad eccleſiam Cadurcenſem, nihil legimus ante annum 1389. quo primum urbem hanc ingreſſus eſt ſolemni novorum epiſcoporum more.D

XXXVI. HugoDe Magialla..

Epiſcopatui Hugonis de Magialla, quem inchoatum an. 1387. legimus, unum, aut alterum annum detrahere cogimur, quando liquet Franciſcum tunc adhuc fuiſſe Cavallic. epiſcopum. Dicitur notatus in tabulis Cabellicenſibus ad annum 1390.1390.
1395.
nihilque obeſt quominus cathedram obtinuerit uſque ad annum 1395.

XXXVII. Andreas II.

Andream Nicoſienſem epiſcopum præfuiſſeE eccleſiæ Cavellicenſi anno 1395. reperimus ; at ſub titulo adminiſtratoris. Neque vero diu rexit, cum certis nobis conſtet teſtimoniis ſedem anno 1398.1398. vacaſſe. In Gallia Chriſtiana Sammarth. omittitur hic Andreas. Admiſſus eſt a Claudio Roberto, qui eum appellat archiepiſcopum Nicomedienſem. In catalogo confecto juſſu illuſtriſſimi epiſcopi, qui nunc ſedet, atque ad me humaniter miſſo, locus ei datur ; utrum tanquam adminiſtratori, aut epiſcopo, minime additur.

XXXVIII. Petrus II.
Petrus anno 1405. pedum gerebat ; quandiu vero poſtea munere paſtorali ſit functus, fru-

ANNI CHRISTI.
ſtra divinare tentaremus. In S. Andreæ ſecus Avenionem necrologio vita functus legitur pridie cal. Auguſti ; quo anno, ſiletur.
XXXIX. Guillelmus I.

Guillelmus abbas de Sellis in diœceſi Bituricenſi, catalogis omnibus antiſtitum Cabellicenſium inſcribitur, nullus vero indicat annum quo ſederit ; abbatia autem cui præerat, non dicitur de Sellis, sed cella S. Euſicii, tunc temporis canonicorum Regularium, nunc Fulienſium a centum annis.

XL. Nicolaus.Johannacius.

Nicolaus de Johannacio de Modunco Barrenſis, epiſcopus Cavellicenſis legitur in veteri inſtrumento dato die 29. Novembris an. 1409.1409. ſeditque, ſi credimus catalogis, ab anno 1409. ad annum 1421.1421. cum prius fuiſſet epiſcopus Trojanus in Italia. Diſſimulare tamen nolumus alicubi Palamedem de Carreto Cavallionenſem epiſcopum legi an. 1420. An ille quem paulo poſt videbimus reipſa hoc donatum epiſcopatu ?

XLI. Guillelmus II.

Hic præſul cum eſſet cubicularius Martini papæ V. ipſius procul dubio beneficio ad cathedram Cabellicenſem provectus eſt, quam legitur annis 1421. & 1424.1424. obtinuiſſe.

XLII. Bernardus.Carbonet.

Bernardus Carbonius (quem Claudius Robertus Bertrandum appellat) Regienſis, manum admovit clavo eccleſiæ Cabellicenſis, anno circiter 1426.1426. ex Sammarthanis fratribus.

XLIII. Ferrerius.Galbert.

Ferrerius Galbertus, quem in recenti catalogo ad nos miſſo, legimus cognominatum Gilbertum, ſediſſe dicitur anno 1432.1432. aliunde vero prorſus nobis ignotus.

XLIV. Johannes II.de la Roche.

Johannes de Rupe ante Cavellicenſes infulas, Bethlehemitanis ornatus fuerat, teſtibus Sammarthanis, licet Johannem in ſerie Bethlehemitanorum præſulum omiſerint. Ex priori vera eccleſia ad hanc traducitur v. idus Septembris anni 1433.1433.
1436.
ex libris Vaticani ; ſedebatque adhuc anno 1436.

XLV. Bartholomæus.

Bartholomæo abbati ſancti Proculi in omnibus catalogis locus datur. Perperam vero legitur ſediſſe anno 1430. quando conſtat ejus ſucceſſorem ante hunc annum, epiſcopum fuiſſe. Melius itaque in indice ms. ad nos tranſmiſſo, Bartholomæo annus 1437. tribuitur.

XLVI. PetrusPorcher. II.
Petrus cognomento Porcherius adfuit concilio Florentino, annoque 1439.1439. in ſeſſione 25. ſubſcripſit in hunc modum : Ego Petrus Cavellicenſis epiſcopus me ſubſcripſi. Memoratur adhuc anno 1442.1442.
1447.
& 47. quo ex hac vita migravit die 28. Januarii.


Ooo iij