qua imperator sculptus fuit in majestate cum duobus aliis judicibus. In semicirculo capitis dextri judicis hic versus scriptus fuit;
|
Intrent securi, qui querunt vivere puri. |
In semicirculo capitis sinistri judicis fuit scriptus hic versus:
|
Invidus excludi timeat vel carcere trudi! |
[124b] In semicirculo capitis imperatoris scriptum fuit:
|
Quam miseros facias, quos variare scio! |
In semicirculo super portam scriptum fuit:
|
Cesaris imperio regni custodia fio. |
Carissimi, imperator iste est dominus noster Ihesus Christus, porta marmorea est sancta ecclesia, per quam portam oportet intrare regnum celeste, et est situata super pontem[1] aque fluentis i. e. super mundum, qui semper currit ut aqua. In qua porta sculpta est imago domini nostri Ihesu Christi cum duobus collateralibus, i. e. cum Maria matre Ihesu et Johanne evangelista, qui designant nobis ejus misericordiam et justiciam. Tunc scriptus est versus: Intrent securi, i. e. pagani, Judei, Saraceni per baptismum, qui poterunt vivere puri ab omni peccato purgati, sicut pueri innocentes. Alius versus dicit: Invidus i. e. peccator in peccato existens excludi timeat ab ecclesia triumphante, et sic in carcere infernali retrudi sine fine. In capite imperatoris erat scriptum, quod miseri sunt, qui variant a via veritatis, et alius dicit: Cesaris imperio i. e. imperium domini nostri Ihesu Christi erit nostra custodia et domus sempiterna.]
Cap. 55. (47.)
De revocatione peccatricis anime in exilium satisfactionis misse.Rex quidam nobilis quendum filium formosum, sapientissimum, strenuissimum, graciosum et amorosum habebat, et quatuor filias habuit quarum nomina hec erant: Justicia, Veritas, Misericordia et Pax. Rex iste volebat filio suo unico sponsam tradere, destinavit nuncium pro virgine, que esset decora, tandem invenit filiam regis Iherusalem pulchram valde, que est tradita filio suo, qui eam miro modo dilexit. Filius iste quendam servum habebat, et ex magna confidencia unum ducatum ad custodiendum ei tradidit. Ipse vero ut proditor seduxit sponsam domini sui ac violavit ac ducatum devastavit. Filius cum de adulterio uxoris audisset, contristatus est valde et demisit eam et dedit ei libellum repudii, et privavit eam omni honore
- ↑ pontem] orig. pontum.
