MICROLOGUS GUIDONIS
ID EST BREVIS SERMO IN MUSICA
Versus
Gymnasio musas placuit revocare solutas
Ut pateant parvis habitae vix hactenus altis.
Invidiae telum perimat dilectio caecum;
Dira quidem pestis tulit omnia commoda terris.
Ordine me scripsi primo qui carmina finxi.
EPISTOLA GUIDONIS MONACHI AC MUSICI
AD THEODALDUM EPISCOPUM SUUM
Divini timoris, totiusque prudentiae fulgore
clarissimo dulcissimo Patri et reverendissimo Domino
Theodaldo Sacerdotum ac Praesulum dignissimo,
Guido suorum monachorum utinam minimus,
quidquid servus et filius.
Dum solitariae viae saltim modicam exsequi cupio quantitatem, vestrae benignitatis dignatio ad sacri verbi studium meam sibi sociari voluit parvitatem: non quod vestrae desint excellentiae multi et maxime spiritales viri, et virtutum effectibus
