Haec pagina emendata est
Romæ principis urbium
Dignatur suboles inter amabiles
Vatum ponere me choros,
Et jam dente minus mordeor invido.
O, testudinis aureæ
Dulcem quæ strepitum, Pieri temperas !
O, mutis quoque piscibus
Donatura cycni, si libeat, sonum !
Totum muneris hoc tui est,
Quod monstror digito prætereuntium
Romanæ fidicen lyræ ;
Quod spiro et placeo, si placeo, tuum est.
Qualem ministrum fulminis alitem
(Cui rex Deorum regnum in aves vagas
Permisit, expertus fidelem
Jupiter in Ganymede flavo),
