Haec pagina emendata est
Amore peccas. Quidquid habes, age,
Depone tutis auribus. Ah ! miser,
Quanta laborabas Charybdi,
Digne puer meliore flamma !
Quæ saga, quis te solvere Thessalis
Magus venenis, quis poterit Deus ?
Vix illigatum te triformi
Pegasus expediet Chimæræ
Te maris et terræ, numeroque carentis arenæ
Mensorem cohibent, Archyta,
Pulveris exigui prope littus parva Matinum
Munera nec quidquam tibi prodest
Aerias temptasse domos, animoque rotundum
Percurrisse polum, morituro.
Occidit et Pelopis genitor, conviva Deorum,
Tithonusque remotus in auras,
