Haec pagina emendata est
Me truncus illapsus cerebro,
Sustulerat, nisi Faunus ictum
Dextra levasset, Mercurialium
Custos virorum. Reddere victimas
Ædemque votivam memento ;
Nos humilem feriemus agnam.
Non ebur, neque aureum
Mea renidet in domo lacunar ;
Non trabes Hymettiæ
Premunt columnas ultima recisas
Africa neque Attali
Ignotus hæres regiam occupavi ;
Nec Laconicas mihi
Trahunt honestæ purpuras clientæ.
