Haec pagina emendata est
Plenoque Bacchi pectore turbidum
Lætatur. Evoe ! parce, Liber,
Parce, gravi metuende thyrso.
Fas pervicaces est mihi Thyiadas,
Vinique fontem, lactis et uberes
Cantare rivos, atque truncis
Lapsa cavis iterare mella ;
Fas et beatæ conjugis additum
Stellis honorem, tectaque Penthei
Disiecta non levi ruina
Thracis et exitium Lycurgi.
Tu flectis amnes, tu mare barbarum ;
Tu separatis uvidus in jugis
Nodo coerces viperino
Bistonidum sine fraude crines.
Tu, cum parentis regna per arduum
Cohors gigantum scanderet impia,
Rhœtum retorsisti leonis
Unguibus horribilique mala
