Haec pagina emendata est
Rapacis Orci fine destinata
Aula divitem manet
Herum. Quid ultra tendis ? æqua tellus
Pauperi recluditur
Regumque pueris ; nec satelles Orci
Callidum Promethea
Revexit, auro captus ; hic superbum
Tantalum atque Tantali
Genus coercet, hic levare functum
Pauperem laboribus
Vocatus atque non vocatus audit.
Bacchum in remotis carmina rupibus
Vidi docentem, credite, posteri,
Nymphasque discentes, et aures
Capripedum Satyrorum acutas.
Evhoe ! recenti mens trepidat metu,
