Pagina:Horace - Œuvres, trad. Leconte de Lisle, II.djvu/229

E Wikisource
Haec pagina emendata est


Hæc satis est orare Jovem quæ ponit et aufert ;
Det vitam, det opes : æquum mi animum ipse parabo.



AD MÆCENATEM.



Prisco si credis, Mæcenas docte, Cratino,
Nulla placere diu, nec vivere carmina possunt,
Quæ scribuntur aquæ potoribus. Ut male sanos
Adscripsit Liber Satyris Faunisque poetas,
Vina fere dulces oluerunt mane Camœnæ ;
Laudibus arguitur vini vinosus Homerus ;
Ennius ipse pater nunquam nisi potus, ad arma
Prosiluit dicenda. Forum putealque Libonis
Mandabo siccis, adimam cantare severis.
Hoc simul edixi, non cessavere poetæ