Haec pagina emendata est
Nocturno certare mero, putere diurno.
Quid ? Si quis vultu toruo ferus, et pede nudo
Exiguæque togæ simulet textore Catonem,
Virtutemne repræsentet moresque Catonis ?
Rupit Iarbitam Timagenis æmula lingua,
Dum studet urbanus, tenditque disertus haberi.
Decipit exemplar vitiis imitabile. Quod si
Pallerem casu, biberent exsangue cuminum.
O imatatores, servum pecus, ut mihi sæpe
Bilem, sæpe jocum vestri movere tumultus !
Libera per vacuum posui vestigia princeps ;
Non aliena meo pressi pede. Qui sibi fidit,
Dux reget examen. Parios ego primus iambos
Ostendi Latio, numeros animosque secutus
Archilochi, non res, et agentia verba Lycamben.
Ac ne me foliis ideo breuioribus ornes,
Quod timui mutare modos et carminis artem.
