Haec pagina emendata est
Dum mea delectent mala me, vel denique fallant,
Quam sapere et ringi. Fuit haud ignobilis Argis,
Qui se credebat miros audire tragœdos,
In uacuo lætus sessor plausorque theatro ;
Cetera qui vitæ servaret munia recto
More ; bonus sane vicinus, amabilis hospes,
Comis in uxorem ; posset qui ignoscere servis,
Et signo læso non insanire lagœnæ ;
Posset qui rupem et puteum vitare patentem.
Hic ubi cognatorum opibus curisque refectus
Expulit helleboro morbum bilemque meraco,
Et redit ad sese : — « Pol, me occidistis, amici,
Non seruastis, ait, cui sic extorta voluptas,
Et demptus per vim mentis gratissimus error. »
Nimirum sapere est abjectis utile nugis,
