Haec pagina emendata est
Quanto rectius hoc, quam tristi lædere versu
Pantolabum scurram Nomentanumque nepotem ;
Quum sibi quisque timet, quamquam est intactus, et odit.
Quid faciam ? Saltat Milonius, ut semel icto
Accessit fervor capiti, numerusque lucernis.
Castor gaudet equis, ovo prognatus eodem
Pugnis. Quot capitum vivunt, totidem studiorum
Milia. Me pedibus delectat claudere verba
Lucili ritu, nostrum melioris utroque.
Ille velut fidis arcana sodalibus olim
Credebat libris neque, si male cesserat, unquam
Decurrens alio neque, si bene. Quo fit ut omnis
