Pagina:Hymni Ecclesiae.djvu/210

E Wikisource
Jump to navigation Jump to search
Haec pagina emendata est
190
Abbatum, etc.

Aeternas ut opes, certaque gaudia
Securi rapiant, omnia ludicra
    Sano pectore temnunt,
    Confisi melioribus.

Illis summa fuit gloria, despici ;
Illis divitiae, pauperiem pati;
    Illis summa voluptas,
    Longo supplicio mori.

Fac nos, summe Deus, quae patimur mala
In poenam sceleram ferre libentius;
    Et tellure relicta,
    Immortalia quaerere.

Aeternus sit honos ingenito Patri ;
Sit par unigenae gloria Filio :
    Sacri nexus amoris,
    Laus compar tibi, Spiritus.

AD LAUDES.


Pro Coenobita.



O pulchras acies, castraque fortia,
Quae spes, una fides, unus amor regit !
    Omnes lege sub una,
    Uno sub duce militant.

Heu ! quantis rapiunt astra laboribus !
Pusant perpetuis questibus aethera,
    Per jejunia longa
    Vires corporis atterunt.