Pagina:Hymni Ecclesiae.djvu/211

E Wikisource
Haec pagina nondum emendata est

Abbatum^ etc. 191

Votis unanimes, vi quoque fletuum Instant, et socias ingeminant preces.

Et concordibus armis

Vim coelo simul inferunt.

Haec vis grata Deo : sic amat optimus Vinci per lacrymas, per gemitus, Pater :

Sic duris reseratur

Coelum conditionibus.

Fervent quando die cuncta tumultibus, Altum turba silet: cetera dum tacent,

Hi per cantica rumpunt

Noctis longa silentia.

Exercet vigiles continuus labor; Incumbunt operi non resides manus ;

Tellus culta colonis

Victum suppeditat suis.

Quin regina sui mens quoque subditur, Rectorisque studet nutibus obsequi :

Nil servat sibi juris,

Capto liberior jugo.

Aeternus sit honos ingenito Patri : Sit par unigenae gloria Filio :

Sacri nexus amoris,

Laus compar tibi, Spiritus.

�� �