Pagina:Krueger, Studemund - Gai Institutiones, Berolini, 1877.djvu/220

IV §183-187

―― 188 ――

     permissu praetoris in ius uocare non licet, ueluti parentes
     pa|tronos patronasque, liberos et parentes patroni patro-^[1]
     naeue; et in eum qui aduersus ea egerit, poena consti-^[2]
     tuitur. §184 Cum autem in ius uocatus fuerit aduersarius, ne-^[3]
     que eo die finiri potuerit negotium, uadimonium ei facien-
     dum est, id est ut promittat se certo die sisti. §185 Fiunt au-^[4]
     tem uadimonia quibusdam ex causis pura, id est sine sa-
     tisdatione, quibusdam cum satisdatione, || quibusdam iure-       pg.251
     iurando, quibusdam recuperatoribus suppositis, id est ut
     qui non steterit, is protinus a recuperatoribus in summam^[5]
     uadimonii condemnetur: eaque singula diligenter praetoris
     edicto significantur. §186 Et siquidem iudicati depensiue age-
     tur, tanti fiet uadimonium, quanti ea res erit; si uero ex^[6]
     ceteris causis, quanti actor iurauerit non calumniae causa
     postulare sibi uadimonium promitti: nec tamen (pluris quam^[7]
     partis dimidiae, nec) pluribus quam sestertium c m fit ua-
     dimonium: itaque si centum milium res erit, nec iudicati
     depensiue agetur, non plus quam sestertium quinquaginta^[8]
     milium fit uadimonium. §187 Quas autem personas sine per-^[9]
     missu praetoris inpune in ius uocare non possumus, eas-
     dem nec uadimonio inuitas obligare possumus, praeter-^[10]

     quam si praetor aditus permittat.

---

---

1. patronasque] patronosque Cⁿ
2. eum] eam C || egerit C, expectes fecerit
3. 4 — 5 neque eo] nequeo Cⁿ
4. autem] aut Cⁿ, conf. C^a pag. 257
5. summa C
6. fiet Goeschen, fiat C
7. 15 — 16 ( ) addidit Huschke
8. agetur Goeschen, ageretur Cⁿ
9. milia C, conf. C^a pag. 278 || qas? C, conf. C^a pag. 289
10. nec] ne C, conf. C^a pag. 280 inf. || inuicas C || possumus] n possumus Cⁿ, conf. C^a pag. 281 uers. 30 || praeterqua Cⁿ (conf. C^a pag. 289 uers. 26 et pag. 291 inf.).