Pagina:Krueger, Studemund - Gai Institutiones, Berolini, 1877.djvu/85

II § 79.62-64.80-82

―― 53 ――

     puerit, habere actionem; nec minus aduersus eundem con-
     dictionem ei conpetere, quia extinctae res, licet uindicari non^[1]
     possint, condici tamen furibus et quibusdam aliis possessori-^[2]
     bus possunt.
§62^{[§ 1]}      Accidit aliquando, ut qui dominus sit, alienandae rei^[3]       pag.68
     potestatem non habeat, et qui dominus non sit, || alienare^[4]       pag.69
     possit: §63^{[§ 2]} nam dotale praedium maritus inuita muliere per
     legem Iuliam prohibetur alienare, quamuis ipsius sit uel^[5]
     mancipatum ei dotis causa uel in iure cessum uel usucaptum.
     quod quidem ius utrum ad Italica tantum praedia an etiam
     ad prouincialia pertineat, dubitatur. §64^{[§ 3]} Ex diuerso agnatus
     furiosi curator rem furio|si alienare potest ex lege XII tabu-
     larum; item procurator ―|――――――――― est; item^[6]
     creditor pignus ex | pactione, quamuis eius ea res non sit.
     sed hoc forsitan ideo uideatur fieri, quod uoluntate debitoris^[7]
     intellegitur pignus alienari, qui olim pactus est, ut liceret^[8]
     creditori pignus uendere, si pecunia non soluatur.
     [r. v. de pvpillis an aliqvid a se alienare possvnt.]^[9]       pag.73
§80^{[§ 4]}      Nunc admonendi sumus neque feminam neque pupillum
     sine tutoris auctoritate rem mancipii alienare posse; nec
     mancipii uero feminam quidem posse, pupillum non posse.
     §81^{[§ 5]} ideoque si quando mulier mutuam pecuniam alicui sine tutoris
     auctoritate dederit, quia facit eam accipientis, cum scilicet
     pecunia res nec mancipii sit, contrahit obligationem. §82^{[§ 6]} at si^[10]

     pupillus idem fecerit, quia (pecuniam) non facit accipientis^[11]

---

1. §62. fere = Inst. 2, 8 pr.
2. §63. usque ad 8 sit = Inst. 2, 8 pr.
3. §64. inde a 14 creditor = Inst. 2, 8, 1.
4. §80. init. fere = Inst. 2, 8, 2
5. §81. init. fere = Inst. 2, 8, 2.
6. §82. init. fere = Inst. 2, 8, 2.

---

1. quia] qui C, conf. C^a pag. 293 || extinctae Inst., extincta C
2. possint Inst., possit C || furibus et Cⁿ, a furibus et a Inst.
3. conf. quae supra ad § 61 in fine (pag. 50, 9 huius editionis) de paragraphorum ordine in C adnotata sunt
4. et C, et contra Inst.
5. alienare ex alienares correctum C
6. ad sensum (conf. Inst. 2, 1, 43 et Dig. 41, 1, 9, 4, non ad ductus, ad quos ne reliquorum quidem editorum supplementa quadrant, ita fere suppleri posse opinatur Krueger: item procurator rem absentis, cuius negotiorum libera administratio ei permissa est; conf. tamen C^a
7. uideatur C, uidetur Inst.
8. alienari C, alienare Inst. (libri meliores) || olim C, ab initio contractus Inst.
9. hanc rubricam (conf. C^a pag. 299 uers. 10) quintam quo iure fecerit librarius (C¹), dici nequit, quia reliquae perierunt.
10. pecunia Huschke, ea pecunia? C
11. seq. supplementa (ex Inst. deriuata) incerta sunt, conf. C^a.