Et praedicta facere teneantur tam ex eorum officio, quam ad cuiuscunque petitionem , nisi aliquam legitimam haberent excusationem.
Tutores autem antequam tutelae administrationem suscipiant, omnium bonorum, rerum , et debitorum , ac creditorum pupilli inventarium, legaliter, et sine fraude conficere teneantur, aliaque faciant intra triginta dies postquam tutores dati fuerint, ad quae de iure tenentur, et debent.
Ubi autem mater, et avia tutrices praedictae ad secunda vota transire voluerint, tunc ad legitimos deveniatur, si extabunt, alias ad dativos , servato modo , et forma superius assignata.
Si quis autem a tutela testamentaria se se excusare voluerit, huius rei facultatem habeat, infra octo dies continuos, a die monitionis , seu ordinationis computandos , infra quos peremptorie, et praecise suas excusationes probasse, et ^probatas habuisse debeat cum effectu. Quae autem legitimae excusationes dijudicari debeant Dominorum Capitaneorum iudicio relinquimus, iuris communis dispositione quoquomodo non obstante.
Et si quae persona etiam non coniuncta pupillis praedictis sub tutela, ut supra, manentibus, querelam aliquam Dominis Capitaneis exposuerit ex eo , quia huiusmodi tutor fraudem aliquam, culpam, vel negligentiam in ipsa tutela commiserit, Domini Capitanei summarie , simpliciter , et de plano , et sine strepitu, ac figura iudicij , et omni solemnitate, etiam substantiali iuris , ommissa super inde se se diligenter informent , et re comperta, tutores ipsos de facto a tutela removere debeant.
De alienatione rerum dotalium.
Rubrica. XLI.
Venditiones, seu quaecunque aliae rerum dotalium alienationes, sive extimatae fuerint, sive non, vel rerum immobilium expresse, et in specie uxori obligatarum, quas vir cum uxoris consensu fecerit, non aliter valeant, nisi in scriptis, et servatis infrascriptis , fuerint celebratae , nempe quod uxor cum duorum eius proximiorum consanguineorum consensu huiusmodi venditioni , seu alienationi consentiat, ipsamque firmam habere, atqueitenere formiter promittat, et in instrumento super inde coficiendo , quod omnino confici exigimus, atque mandamus , exprimatur cambium , quod uxor a marito recipit,
