De tempore quo procedi possit, et intra quod terminari debeant causae criminales.
Rubrica IV
Item statuimus (non tam fisco, quam ipsis delinquentibus consulendo ) quod in causis criminalibus procedi possit , et procedatur quocumque tempore, ac nullis penitus servatis ferijs etiam in honorem Dei introductis , praeterquam in ferenda sententia, quam ferri posse nolumus tempore in honorem Dei feriato , et subinde prohibemus tales sententias , et processus congruo tempore desuper ferendas , occasione praedicta impugnari quoquomodo posse, vel de ipsarum nullitate dici.
Et ita procedendo dictae causae debeant per Capitaneos, aut> alios Officiales» ut supra, quorum tempore commissum fuerit delictum, inchoari, et per sententiam terminari infra quinquaginta dies continuos a die commissi delicti, et notitiae de eo habitae sub poena librarum quinquaginta denariorum Camerae Communis applicandarum pro quolibet, in qua ipso iure, et toties incidant, quoties terminum quinquaginta dierum praedictorum etiam super eodem delicto labi permiserint, et causam ipsam non terminaverint , et non solum ipsi primi Iudices, sed etiam quicumque successores ulteriores, qui parem super eodem delicto commiserint negligentiam , quibus tamen nolumus computari tempus negligentiae praecessorum , sed tantummodo diligentiae. Qui ut supra successores teneantur causam expedire intra residuum quinquaginta dierum quod supererit, demptis diebus, quibus praecessores processerunt, et fuerunt diligentes ; et per hoc tamen non intendentes causam ipsam per lapsum quinquaginta dierum praedictorum fieri unquam desertam, vel cuiuscumque alterius temporis, nisi cum procederetur cum assistentia accusatoris , querelantis , vel alterius instigatoris , quo casu servetur ius commune, sed perpetuo durare, ne inquisiti aliquo desertionis clipeo valeant se tueri.
De invito ad accusandum non cogendo , et secreto accusatore non admittendo.
Rubrica V.
Sicut autem non decet, nec volumus aliquem invitum ad accusandum compelli posse, ita nec secretam alicuius volentis accusationem, querelam, vel denunciationem recipi, et eiusvigoreprocedi decernimus, sed quicumque volueritaccusare, querelare, vel denunciare debeat illud publice , palam , et in scriptis coram
