ctualiter, cautione iuratoria sub praetextu paupertatis sibi nequaquam hoc casu suffragante, et si talis esset forensis, vel
advena habitator dictae Terrae, vel districtus expellatur , et ponatur in banno ab ipsa Terra, et districtu sub dictis poenis
de non offendendo, et non accedendo ad eam.
De personis in fideiussoribus non recipiendis.
Rubrica XVI.
Non possint Officiales quicumque, nec Advocati, nec Procuratores, nec Notarij Terrae Sancti Marini, in fideiussores , nec pro fideiussoribus in criminalibus causis recipi, vel admitti , nec in fideiussoribus de non offendendo.
Si autem aliquis praedictorum receptus, vel admissus fuerit in fideiussorem , ut supra , statuti huius auctoritate nullatenus obligetur, aut teneatur.
Et praedictos, vel aliquem praedictorum recipiens, vel ad^ mittens in libris viginti denariorum pro quolibet , et vice qualibet puniatur.
Et nihilominus quicquid contra praedicta sequutum fuerit, non teneat ipso iure , et huic statuto expresse , vel tacite renunciari non possit , etiam si iusiurandum intervenerit.
Prout nec fideiussio, nec promissio praedicta iuramento firmari volumus, sed omnino utrumque praesumi simulatum.
De repraesalijs.
Rubrica XVII.
Quia ex repraesaliarum concessione plurima consueverunt scandala pervenire, statuimus, quod nemini liceat ius sibi ipsi dicere adversus aliquem, nec aliqua persona praesumat, vel attentet repraesalijs quibuscumque uti sine Dominorum Capitaneorum , et eorum duodecim speciali licentia.
Et si contrafactum fuerit decernimus non valere, et contrafacientes Dominorum Capitaneorum , et Consilij duodecim arbitrio puniantur.
