De falsis accusatoribus.
Rubrica XIV.
Si quis aliquem falso scienter , vel temere accusaverit , plectatur eadem poena , qna plecti debuisset accusatus ipse , si accusatio vera, et probata fuisset, et insuper teneatur ad omnes expensas, interesse, et damna, per accusatum indebite passa.
De fideiussione praestanda de non offendendo.
Rubrica XV.
Statuimus ad obviandum scandalis , et paci , ac quieti subditorum consulendo , quod quotiescumque imminet causa , et timor ne aliqui veniant ad arma, et rixas inter se , Domini Capitanei, vel alius iudex ordinarius, ut supra , quorum arbitrio
in hoc stari volumus, possint, et teneantur, sive ad instantiam
alterius partis, sive ex officio cogere partes, inter quas sic timetur, ad invicem cavendum de non offendendo active , et
passive pro se , consanguineis , et attinentibus usque in tertium
gradum secundum ius Canonicum inclusive , et adhaerentibus,
complicibus , et sequacibus sub poena eorumdem arbitrio ascribenda , et inaequali , si eis videbitur propter inaequalitatem partium , et possint etiam astringere patrem pro filio , et proximiorem coniunctum pro coniuncto , et praecipere cum cominatione , quod interim fideiussio habeatur pro praestita donec
actualiter praestetur, quae cominatio obliget sicut ipsa fideiussio, quae poena sl contrafactum fuerit exigatur de facto , et absque alio processu ab ipso principali , seu fideiussore , altero
ad libitum ommisso.
Et sufficiat processus , et sententia lata contra principalem etiam in contumaciam , et non citato fideiussore , ut et supra de Patre quoad legitimam fuit statutum.
Fideiussor tamen semper intelligatur habere , et habeat ipsum principalem , et eius bona obligata pro eius indemnitate , et regressu, et contra ipsum , et contra ipsa pari modo procedatur executive , et de facto , etiam quod in instrumento fideiussionis non fuisset de indemnitate promissum.
Et si acciderit, quod ad mandatum Dominorum Capitaneorum , ut supra , aliquis fideiussionem praedictam praestare recusaverit, vel non praestiterit, ultra mulctam indictam ponatur cum tota familia in banno , et perpetuo exilio a Terra , Territorio , et districtu Sancti Marini donec caverit effe
