De falsis.
Rubrica XLVIII.
Ne impune falsitas committatur, cuius crimen quam grave sit nemo est qui nesciat, ideo praesenti lege statuimus, quod si quis scienter instrumentum aliquod cuiuscUmque generis contractum continens, sive testamentum, vel codicillos, vel donationem causa mortis acta, sententiam criminalem, vel civilem Iudicis, sive arbitri vel arbitratoris, aut scripturam privatam iure communi, aut statutario approbatam falso fabricaverit, vel falsitatem in eis commiserit vel fecerit, aut fieri, fabricari, vel falsificari, vel committi fecerit, quomodocumque, vel qualitercumque tale quid commissum fuerit vel factum, aut perpetratum, sive scribendo, sive minuendo, sive addendo, sive radendo, sive cancellando, aut mutando, vel aliter quomodocumque veritatem immutando, sibi manus amputetur, ita ut a corpore dividatur, et perpetuo sit infamis. Si vero quis falso instruniento, vel testamento vel codicillis vel donatione causa mortis., vel actis curiae vel scriptura privata., sive sententia falsa scienter usus fuerit in libris centum condemnetur, quam condemnationem si infra dies decem a die datae sententiae connumerandos cum effectu non solverit, fustigetur.
Si quis autem falsum testamentum, vel codicillos, instrumentum, vel mortis causa donationem, vel acta curiae, sive sententiam, vel aliquam scripturam privatam vel testes falsos vel similia, scienter in iudicio produxerit, praedictis tamen vel aliquo eorum non fuerit usus, pro sola productione eorum vel alicuius ipsorum sine usu, in libris centum denariorum condemnetur, qnam condemnationem si non solverit infra decem dies, ut supra connumerandos, mittatur in exilium per quinquennium.
Si quis vero instrumentum, testamentum, vel aliam ultimam voluntatem, sive actum iudicialem., aut scripturam privatam, sive sententiam, vel aliquid simile falsum scienter, vel dolose dictaverit, in scutis centum denariorum condemnetur, quam poenam si infra dies decem connumerandos ut supra non solveritj in poenam triremium per quinquennium incidat.
Item si quis in aliqua causa civili, vel criminali pecuniaria excedente summam decem librarum, et ad offensam in iudicio, vel extra coram Dominis Capitaneis, arbitro, vel arbitratore, aut coram aliquo subrogato ab aliquo ipsorum, falsum scienter tulerit testimonium, in scutis centum condemnetur.
