nec aliqua bona in eis quoquomodo, vel titulo acquirere. Et
si capi non poterit ponatur in bona Communis , in aere , et
persona , et similiter in aere , et in persona condemnetur , et
semper eius bona , et descendentes ex eo poenis subiaceant supra scriptis.
Et quilibet in dicta Terra, et eius curia, Comitatu, fortia, et districtu possit eum sine poena realiter, et personaliter offendere, et eum capere, et in fortijs curiae conducere, et a dicto Communi libras quinquaginta denariorum debeat habere.
Et nemo de dicta Terra , vel eius Comitatu , et districtu possit, vel debeat aliquo tempore pro eo, et eius descendentibus aliquid in eorum favorem dicere , et similiter Domini Capitanei in eorum favorem aliquid dicere , vel proponere hon possint in Consilio , vel Arengo, nec aliquis consulere , vel arengare, sub poena Capitaneis quinquaginta librarum denariorum pro quolibet, et qualibet vice, et Consiliarijs vigintiquinque librarum, et cuilibet alio decem librarum denariorum.
Et nihilominus quod propositum, arengatum, consultum, vel reformatum fuerit in eorum favorem non teneat ipso iure.
Et nemo de dicta Terra, vel eius curia, Comitatu, et districtu cum eo, vel eius descendentibus aliquam participationem habeat, eumque, vel eos in eorum domo retinere, vel receptare possit publice, vel occulte, sub poena eontrafacienti librarum quinquaginta denariorum , praeter poenas quae contra bannitorum receptatores imposita reperiuntur.
Et eisdem poenis subiaceant, et condemnari debeant omnes, qui ad praedicta committenda, ordinanda, vel tractanda dederint , vel praestaverint auxilium , consilium, vel favorem. Et etiam qui praedicta sciverint, et Dominis Capitaneis incontinenti non manifestaverint.
De incendiarijs.
Rubrica LVI.
Si quis dolose iniecerit, vel immiserit ignem in domum alienam unde combusta sit, vel incensa, si quidem in Terra Sancti Marini, vel Mercatali, caput ei a spatulis amputetur, vel igne comburratur secundum personae qualitatem.
Si vero in alijs locis districtus eiusdem, domum, vel accervum frumenti, aut metas covorum incenderit, ut supra, transmittatur ad triremes per quinquennium.
Si autem paleare, vel fenile, aut metas feni, puniatur poena exilij per triennium.
