97
LIBER QUARTUS
DE APPELLATIONIBUS
De electione Dominorum Iudicum in causis Appellationum.
Rubrica
I.
Consilium nostrum generale sexaginta virorum post hac eliget viros probos , et idoneos ad numerum viginti , quorum nomina in brevibus describantur , et brevia ipsa in loco apto reponantur, ut congruo tempore duo ex eis in publico Consilio praedicto extrahantur, et extracti Iudices ordinarij causarum appellationum, et aliarum in sequenti Rubrica descriptarum existant.
Qui sic extracti, si forte fortuna consanguinitate, vel affinitate usque ad tertium gradum iuxta iuris Canonici dispositionem computandum adstricti essent Capitaneis, qui pro tempore illo iuxta solitum regent, et gubernabunt, vel etiam inter semetipsos extractos ad eundem tertium gradum attinerent , vel aliqua alia legitima exceptione arbitrio praefati Generalis Consilij non essent admittendi, tunc illi, vel ille, aw gjc attinere contigerit ,
