ante sonitum Ave Mariae, et iterum in aurora, et mane quo
voluerint illud congregare , et similiter paulo post sonari facere
requestam, et si eis videbitur, praemissa etiam speciali monitione, et praecepto in scriptis, vel voce Plazariorum sub poena
unius scuti, vel alia maiori eis bene visa, quam integram postea de facto a non venientibusy et inobedientibus exigere teneantur, omni appellatione semper remota. Et praedicta omnia,
et singula locum habeant etiam in Consilio, et in Consiliarijs
duodecim, praeterquam volumus istud sonari cum campana
Communitatis, sive maiori existente in Plebe praedicta ad duodecim toccos , aliquali inter unum, et alium intermisso spatio, et similiter ejus requestam, cum eadem campana, more
solito, et consueto.
De Arengatoribus. Rubrica VIII.
Congregato generali Consilio, et praemissis tam per Dominos Capitaneos, quam per Dominos Consiliarios flexis genibus ad Deum, et ad Divum Marinum pijs precibus, ac deinde propositis quibuscumque placitis Dominis Capitaneis, extrahantur sorte duo Arengatores, qui eorum votum, et consilium publice in eodem Consilio super singulis propositis praedictis explicare debeant. Deinde liceat unicuique alteri in eodem Consilio existenti super praemissis suam semel libere dicere opinionem. Et in casu contradictionis, et discordiae, nascentis ex dicto saltem duorum contradicentium, ad suffragia» et balluctas deveniatur, et illud intelligatur obtentum, quod maiori numero suffragiorum , et balluctarum erit suffultum, quod postea per Cancellarium nostrum fideliter in scriptis redigatur infra triduum sub poena viginti bononenorum pro qualibet vice , et ulterius inhabilitatis ad eadem officia , si in fine dicti sui officii compertum fuerit ipsum Cancellarium non scripsisse ad librum propositarum omnia , et singula Consilia , et ejusdem Consilij decreta, et resolutiones factas durante ejus officio, cum facultate cuilibet de populo id denunciandi. Et dictis eorum opinionibus, datisque consilijs, tam per Arengatores, quamperquoscunque alios^ qui dare voluerint , nemo amplius replicare valeat, nisi a Dominis Capitaneis licentia fuerit impetrata. Et dum aliquis arengando sermonem habet, et loquitur in Consilio, omnes alij silere debeant, ut in eo pertractanda omni quiete , et pacifice pertractentur . Alias in poenam viginti bononenorum pro quolibet , et vice qualibet incurrant.
