fuerint, ubi vero non fuerint, Ordinariorum locorum facultate; alioquin si absque ea dictum Missale ipsi posthac imprimere, aut Bibliopolae vendere praesumpserint, Typographi, et Bibliopolae Extra Statum nostrum Ecclesiasticum existentes excommunicationis latae sententiae, a qua, nisi a Romano Pontifice, praeterquam in mortis articulo constituti, absolvi nequeant; in alma vero Urbe, et reliquo Statu Ecclesiastico commorantes, quingentorum ducatorum auri de Camera, ac amissionis librorum, et typorum omnium Camerae praedictae applicandorum poenas absque alia declaratione irremissibiliter incurrant eo ipso: et nihilominus eorumdem Missalium per eos de caetero absque hujusmodi licentia imprimendorum, aut vendendorum usum ubique locorum, et gentium sub eisdem poenis interdicimus, et prohibemus. Ipsi autem inquisitores, seu Ordinarii locorum, antequam nujusmodi licentiam, et facultatem concedant, Missalia ab ipsis Typographis imprimenda, et postquam impressa fuerint, cum hoc Missali auctoritate nostra recognito, diligentissime conferant. nec in illis aliquid addi, vel minui permittant. In ipsa vero licentia originali obtinenda, de collatione facta, et quod omnino concordent manu propria attestentur: cujus licentiae copia initio, vel in fine cujusque Missalis semper imprimatur. Quod si secus fecerint, Inquisitores privationis suorum officiorum, ac inhabilitatis ad illa, et alia in posterum obtinenda; Ordinarii autem locorum suspensionis a divinis, ac interdicti ab ingressu Ecclesiae, eorum vero Vicarii privationis similiter Officiorum, et beneficiorum suorum, et inhabilitatis ad illa, et alia in posterum obtinenda, ac insuper excommunicationis absque alia declaratione poenas incurrant eo ipso. Caeterum pauperum Ecclesiarum, Clericorum, et personarum Ecclesiasticarum, ac Typographorum, et Bibliopolarum quorumcumque indemnitatis ex benignitate Apostolica rationem habente», eisdem Missalia hactenus impressa penes se habentibus, ut ea retinere, et illis uti, eague vendere respective possint, similiter permittimus, et induigemus. Non obstantibus licentiis, induitis, et privilegiis quibuscumque Typographis, per Nos, seu Romanos Pontifices praedecessores nostros, Missale imprimendi concessis, quae per praesentes expresse revocamus, et revocata esse volumus, nec non constitutionibus, et ordinationibus Apostolicis generalibus, vel specialibus, in contrarium praemissorum quomodocumque concessis, approbatis et confirmatis. Quibus omnibus etiamsi de illis eorumque totis tenoribus specialis, specifica, et expressa mentio habenda esset; tenores hujusmodi praesentibus pro expressis habentes, hac vice dumtaxat specialiter, et expresse derogamus. Volumus autem ut praesentium transumptis etiam impressis, manu alicuius Notarii publici subscriptis, et sigillo alicujus personae m dignitate Ecclesiastica constitutae munitis, eadem prorsus fides adhibeatur, quae ipsis praesentibus adhiberetur, si essent exhibitae vel ostensae.
Datum Romae apud Sanctam Mariam Majorem sub Annulo Piscatoris, die Secunda Septembris M.DC.XXXIV. Pontificatus nostri anno duodecimo.
M. A. Maraldus.
EX DECRETORUM REGISTRO
Sacræ Rituum Congregationis.SAcra Rituum Congregatio inhaerendo Decretis alias factis, prohibet omnino Missas a S. R. Congregat, non approbatas, et signanter Missas, nuncupatas S. Gregorii pro Vivis, et Defunctis, Missas quindecim Auxiliatorum, Missam ae Patre AEterno, et quascumque alias, ut supra, 8
