Ad augendam Fidelium venerationem erga Augustissimum Eucharistiae Sacramentum, ejusque cultum in toto Terrarum Orbe promovendum,
prohibitum est celebrare Missas Votivas, vel pro Defunctis infra Octavam Corporis Christi. Die 21. Junii 1670, eademque die a fel. ree. Clemente IX. approbatum.
Item prohibitum est, easdem Missas celebrari infra Octavam Nativitatis Domini. In Missis vero solemnibus pro re gravi infra eamdem Octavam celebrandis, dicenda est Praefatio juxta Rubricam Generalem tit. 12. num. 4. Die 25. Septembr. 1706, jam a Sanctissimo approbatum.
Re vero in Sac. Rit. Congregatione ad relationem Eminentissimi, et Reverendissimi Domini Card. Barberini, pluries discussa, et mature perpensa, Sac. eadem Rit. Congregatio supradicta Decreta, tum ut Celebrantium Instructioni, et usui sint tum ut nonnulli abusus, qui in aliquibus lods irrepserunt, penitus evellantur, in Missali post Rubricas Generales apponi, et imprimi posse censuit; si Sanctissimo Domino Nostro visum fuerit. Die 15. Septembris 1714.
Factaque deinde per me Pro-Secretarium de praedictis Sanctissimo Domino Nostro relatione, Sanctitas Sua sensum Sac. Congregat, approbavit, eademgue Decreta in Missali apponi, et imprimi mandavit. Die 29. Septembris ejusdem Anni 1714.
Loco † Sigilli.
SAnctissimus Dominus Noster PIUS PAPA IX. ex Sacrorum Rituum Congregationis consilio summatim apponi et imprimi mandavit in principio Missalis duo ab eadem S. Congregatione alias edita decreta, videlicet:
Quando occurrit Dedicatio Basilicarum Sanctissimi Salvatoris et Sanctissimorum Apostolorum Petri et Pauli infra octavam Dedicationis aliarum ecclesiarum, sumatur pro commemoratione alia Oratio de Communi: Deus qui invisibiliter. Die 25. Septembris 1706. ad XI.
Orationes pro Romanorum Imperatore tam in Missa Praesanetificatorum Feriae vi. in Parasceve quam in fine Praeconii Paschalis Sabbato Sancto, ob sublatum Romanorum imperium non amplius recitentur. Retineantur tamen ut antea in novis Missalibus. Die 25. Septembr. 1860. ad III. Die 14. Martii 1861.
