DIVINA MISERATIONE ET SEDIS APOSTOLICÆ GRATIA
EPISCOPIS RATISBONENSISQUum Roman. Pontificum CLEMENTIS VIII., URBANI VIII. aliorumque decretis cautum sit, ne a typographis Missale Romanum in lucem edatur, quin de perfecta novae editionis concordia cum archetypis Romanis exemplaribus plane constet, et ab Ordinario loci illud imprimendi facultas requisita et obtenta fuerit: Nos ad dilecti filii Nostri Friderici Pustet Ratisbonensis typographi et bibliopolae preces duos Sacerdotes deputavimus, qui diligenti examine instituto novae hujus editionis ab eodem Friderico Pustet in manuali forma exornatae integritatem, omnimodamque cum authenticis Romanis exemplaribus consonantiam comprobarent
Quamobrem quum ex illorum Sacerdotum testimonio de hac consonantia certi facti simus, quumque ab iisdem relatum Nobis sit, additiones et correctiones a S. Rituum Congregatione d. 25. Sept. 1860. propositas, et a SS. D. N. PIO IX. PP. d. 27. Sept. 1860 et 12. Mart. 1861. Urbi et Orbi praescriptas, in nova ista editione sive rite insertas, sive notatas esse: Nos praedictum Missale Romanum forma manuali excusum tenore praesentium approbamus, evulgandique licentiam impertimur.
In quorum fidem has Nostras litteras, manu Nostra subscriptas atque majori Nostro Sigillo munitas expediri jussimus.
Ratisbonae die 1. Septembr. 1861.
- † Ignatius.
