viro, virtute, & prudentia præſtanti, occaſionem offerret, vt aliqua inter illius gentis homines viuendi forma per illũ cõſtituta, cùm ſibi honores, tum Italicæ genti commune aliquod afferret emolumentum. Tot, tantæqꝫ vtilitates viſæ ſunt mihi, & opportunitates concurrere, vt quod aptius hoc extiterit tẽpus, planè ignorem. Atqui (vt dictum eſt) Moſis virtus vt perſpicua fieret, neceſſe erat Iſraeliticum populum in Aegypto captiuum teneri: & vt Cyri magnitudo animi illuſtris eſſet, oportuit Perſas Medorum ſæuitia premi: ad illuſtrandam item Theſei excellentiam, magni referebat Athenienſium gentem vagam offendere, atqꝫ diſperſam. Sic hoc tempore, quo Italici ſpiritus virtus aliqua excitata eluceret, operæ pretium erat, Italiã eò miſeriarum redigi, in quonunc miſerrima iacet; atqꝫ duriori ſeruitio teneri, qua Hebræi, aſperiori ſeruitute premi quàm Perſæ, longius, lautiusqꝫ diſpergi, quàm Athenienſes, nullo duce, nullo ordine, flagris cæſa, bonis diſpoliata, in parteis diſciſſa, vndiqꝫ excurſa, atqꝫ omne calamitatũ genus perpeſſa. Et quan-
