Pagina:P. Terenti Afri Comoediae (Kauer-Lindsay 1926).djvu/217

III. iii

P. TERENTI AFRI

AN. vidĕ siquid opi’ potĕs adferre huic. GE.“siquid”? quid? AN. quaere obsecro,
nequid plus minusve faxit quod nos post pigeat, Geta.
 555GE. quaero.—salvos est, ut opinor; verum enĭm metuo malum.
AN. noli metuere: una tecum bona mala tolerabimus.
GE. quantum opus est tibi ărgenti, loquere. PH. solae triginta minae.
GE. triginta? hui percarast, Phaedria. PH. istaec vero vilis est.
GE. age age, inventas reddam. PH. o lepidum! GE. aufer te hinc. PH. iăm opust. GE. iam feres:
 560sed opus est mihi Phormionem ad hanc rem adiutorem dari.
PH. praestost: audacissime oneri’ quidvis inpone, ecferet;
solus est homo amico amicus. GE.e͡amus ergo ad eum ocius.
AN. numquid ĕst quod opera mea vobis opu’ sit? GE. nil; verum abĭ domum
et ĭllam miseram, quam ego nunc intu’ scio ĕsse exanimatam metu,
 565consolare. cessas? AN. nil est aeque quod faciam lubens.—
PH. qua via istuc facies? GE. dicam in itinere: modo te hinc amove.