rem deserit, et in fide ejus caecutit, neque in Institutis praeceptorum ejus ambulat, aut vitam Christo dignam degit; sed secundum pravas ipsius concupiscentias incedit, iniquam et impiam invidiam resumendo, per quam et mors in mundum intravit[1].
CAPUT IV.
Sic enim scriptum est: Et factum est post dies, obtulit Cain ex fructibus terrae sacrificium Domino: Abel autem obtulit et ipse de primogenitis ovium suarum, et de adipibus earum. Et respexit Deus super Abel, et super munera ejus: super Cain autem, super sacrificia ejus non advertit. Et contristatus est Cain valde, et concidit vultu suo. Et dixit Deus ad Cain: Quare tristis factus es? et quare concidit vultus tuus? Nonne si recte offeras, non autem recte dividas, peccasti? Quiesce: ad te conversio ejus, et tu dominaberis ipsius. Et dixit Cain ad Abel fratrem suum: Transeamus in campum. Et factum est dum essent in campo, surrexit Cain super Abel fratrem suum, et occidit eum[2]. Videtis, fratres, propter aemulationem et invidiam fratricidium commissum. Propter aemulationem pater noster[v 1] Jacob[3] a facie fratris sui Esau aufugit. Aemulatio effecit, ut Joseph ad mortem usque persecutionem sustineret[4], et in servitutem addiceretur. Aemulatio Mosem a facie Pharaonis regis Aegypti fugere compulit, eum popularem suum dicentem audiret: Quis te constituit principem et judicem super nos? nunquid tu vis me occidere, quemadmodum occidisti heri Aegyptium[5]? Propter aemulationem[v 2] Aaron et Maria extra castra segregati habitarunt[6]. Aemulatio Dathan et Abiron vivos ad inferos detrusit[7], quod cum Moyse Dei famulo seditione contende-
- ↑ Sap. ii, 24.
- ↑ Gen. iv, 3-8.
- ↑ Gen. xxvii, 41.
- ↑ Gen. xxxvi.
- ↑ Exod. ii, 14.
- ↑ Num. xii, 4.
- ↑ Num. xvi, 33.
VARIORUM NOTAE
- ↑ Hac loquendi ratione indicare videtur Clemens se ex Jacob stirpe potius oriundum, quam ex prosapia Caesarum; adeoque Judaeum, non Romanum esse. Secus tamen Eucherius in epistola ad Valerianum sentit. Forte etiam Clemens Jacob eo sensu Patrem nostrum vocat, quo Paulus Rom. ix, promissionis filios in semine Abrahae et Israel computari docet, eosque ex ipso Israel Dei Gal. vi, 16, nuncupat. Coust.
- ↑ Ut solam Mariam perfusam lepra, ita et unam extra castra exclusam Scriptura memorat. Coust.
