Haec pagina emendata est
18
ornithogonia.
Dispar ferre iugum ut discant, captetque videndo
Femina paulatim, et cupiant consortia tecta.
Carceris optato liber iam tempore vinclis
Immodico furit igne calens. Heu! tum male pennis
Ova tori consors rostro defendet ab unco,
Tanta lubido ferum incessit terebrare putamen. 170
Hoc metuens, nidum observa, nec parce labori;
Nunc redeunte die, nunc decedente revises,
Nec prius absistas, quam quae demiserit ova
Curva quaeque legas cochlea, servesque reposta,
Fetura sistente aderit dum subdere tempus.
Sed tum tolle marem, soloque in carcere quamvis
Invitus degat, sublato iure nocendi.
