Haec pagina emendata est
88
ficedulae.
Concretaeque atro foedantur sanguine plumae. 100
Olli avulsi oculi, confractaque crura, vel acer
Abscidit huic humens ictus de vertice rostrum,
Allisove iacet cervix obtrita cerebro,
Turpiter. Ast aliae, tormenti viribus actae
Quas pilulae strinxere, solo trepidantque gemuntque
Dantque incompositos vano conamine saltus.
Prona recumbit humi pars: creber anhelitus ora
Ilia et aegra quatit, plenoque e gutture sanguis
Volvitur; eiectum tellus simul ebibit imbrem.
Successu iam caedis ovans, votisque potitus 110
Reticulum complere paro; sed cerea primus
Afflatu explorare labor confinia caudae
Et patulum immodico lumbum qui clune renidet.
Desine, Parnassi iuga te ardua, musa, colentem
Dedecet in nigram mecum migrare culinam.
