SVENONIS AGGONIS FILII liREVlS HISTOHIA MEGVM DACIE 95
S
SVENONIS AGGONIS F.
BREVIS HISTORIA REGVM DACIE.
PROCEMIVM.
Cvum ueterum in monumentis operosa contemplatione
priscorum gesta stilo conscripta elegantissimo crebro
perspicerem, diutinis suspiraui gemilibus, quod nostrorum regum
principumque preclarissima gesta eterno deputarentur silentio.
Quippe, cum et illi inferiores non extiterint meritis et uirtutum
experientia, pari preconio utique eos excellere conueniret.
Verum crebrescentibus malis sub mundi senescentis interitum,
licet intentione laudabili memorie quis conetur illustria
heroum facta commendare, obtrectationis tamen inuidiam
neutiquam declinabit. Itaque diu mens mihi uelut in biuio,
quod dicitur, fluctuabat, utrum, notam non defugiens arro-
gantie, stilo licet illepido regum genealogias regnorumque
successiones sub compendio literis mandarem, aut silentio
cuncta preterirem. Satius etenim autumabam posteris nostris,
qui et uiuacis ingenii armabuntur acumine et doctrine floride
copia fecundabuntur, preuio exemplo negligenlie densitates
penetrare quam committere, ut illustrium gesta principum
uetustatis obfuscarentur caligine. Sed, ut ait Martianus, »ne
incomperta falsitatem admiscere uideatur assertio«, et ne
fabulose uidear historiam enarrare, quantum ab annosis et
ueteribus certa ualui inquisitione percontari, compendiose
perstringam. Et quia non omnium regum par claruit uictoria, nec
simili exultarunt omnes triumpho, cum et regum titulos a se
non ambigimus discrepare, quorum insignia gesta luce clarius
perspexi, eos ad memoriam reuocare conatus sum, illorum
influebat (pro m fluebat). 14. etenim. 15—16. fecundetur. 17. eluc- tum {pro iluftura). 18 sq.: Mart. Capell. VIII, 831 (p. 307 Eyssenh.). 23. tumpho {sic sæpius). 23—24. titulos a se non ambigui discre- pare. 25. perspicatius (pro perspicat^ eos).
