Jump to content

A First Latin Reader/38

Nexus addere
Unchecked
E Wikisource
Herbert Chester Nutting
A First Latin Reader
Lesson 38. Burgoyne’s Campaign


1912

fons: librum vide
 37. The Retreat from Trenton 39. Valley Forge 
LESSON 38
Burgoyne’s Campaign

Posterō annō alius imperātor Britannicus ex Canadā per prōvinciam Noveborācēnsem legiōnēs quāsdam dūcere cōnātus est. Cui[1] omnia[2] prīmō fēlīciter ēvēnērunt; Taeconderōga enim capta est ūnā cum cōpiīs omnibus, quās eō[3] Americānī comportāverant. Cum autem Germānī multī ē Britannicō exercitū in proximam prōvinciam missī essent ut equōs aliāsque cōpiās colōnōrum raperent, agricolae, quī ā pueritiā arma ferre solitī erant, undique statim convenērunt; Germānīsque magnō cum dētrīmentō ex illā prōvinciā discēdere coāctīs, imperātōrem ipsum mox ācerrimē adortī sunt Americānī, quōrum in diēs[4] cōpiae maiōrēs fīēbant.

Quō proeliō victī hostēs, quī iam omnibus ex partibus[5] obsidēbantur, in Canadam redīre prīmō frūstrā cōnātī, postrēmō Americānīs[6] in dēditiōnem vēnērunt. Tum scīlicet colōnī omnēs ecfrēnātē gaudēbant, quod[7] perīculum maximum effūgisse vidēbantur[8]. Sed alibī hostēs ācriter gerēbant[9] bellum; cuius ēventus adhūc maximē dubius[10] erat.

————————
  1. ↑ cui: for whom.
  2. ↑ omnia: note the gender.
  3. ↑ eō: there, lit. thither; cf. the note on quō, p. 8, l. 14.
  4. ↑ in diēs: from day to day.
  5. ↑ omnibus ex partibus: on all sides.
  6. ↑ Americānīs: dat. case.
  7. ↑ quod: conjunction.
  8. ↑ vidēbantur: sc. sibi, i.e. they seemed to themselves; freely, they thought that they, etc.
  9. ↑ gerēbant: note the tense.
  10. ↑ maximē dubius: by the prefixing of maximē, an adj. (or adv.) is raised to the superlative degree.
Receptum de "https://la.wikisource.org/wiki/A_First_Latin_Reader/38"