 55. The Fall of New London |
57. Captivity among the Indians  |
Prope oppidum erant castra quaedam, quae Americānī praesidiō baud magnō tenēbant. Quō cum hostēs pervēnissent, colōnōs statim sē dēdere iussērunt. Datō autem respōnsō[1] minimē grātō, ācerrimē ibi pugnatum est: sed Britannī, quī, ut[2] suprā dīxī, numerō multō erant superiōrēs, postrēmō cōnscendērunt mūnitiōnēs, castraque expugnāvērunt; quīn etiam virtūte colōnōrum, quī animō obstinātō restiterant, adeō[3] exacerbātī sunt,[4] ut summa crūdelitāte occīderent dēditōs[5] quōsdam, qui arma iam prōiēcerant.
Deinde tamen, castra funditus[6] dēlenda esse arbitrātī,[7] vulnerātōs prius efferre coepērunt; sed id[8] tantā saevitiā, ut hominēs miseriī in carrum alius super alium abicerentur. Tum ā Britannīs circiter vīgintī carrus dūcī coeptus est[9] ad vīllam quandam, ubi vulnerātī ab amīcis cūrārī possent.[10] At praeceps[11] erat via, ac postrēmō ā mīlitibus carrus diūtius retinērī nōn poterat, sed per dēclīve[12] celeriter dēlātus,[13] in arborem inlīsus est. Ipsa concussiōne[14] quīdam ē[15] vulnerātīs interfectī esse dīcuntur; ac cēterōrum ululātus etiam trāns portum iaudītus est.
Sed iam undique colōnī plūrimī ad oppidum auxilī[16] ferendī causā properābant, hostēsque celeriter ad nāvis sē recipere coactī sunt.
- ↑ responsō: noun, derived from respondeō.
- ↑ ut: as.
- ↑ adeō: cf. p. 5, l. 18.
- ↑ exacerbāti sunt: exacerbō: exasperate.
- ↑ dēditōs: as noun; cf. vulnerātōs, l. 10..
- ↑ funditus: adv, totally, or utterly.
- ↑ arbitrātī: cf. veritī, p. 2, l. 17.
- ↑ id: sc. fēcērunt.
- ↑ coeptus est: the passive forms of this verb are used when the dependent infinitive is passive.
- ↑ possent: possent.
- ↑ praeceps, -cipitis: adj, steep.
- ↑ per dēclive: along the slope, dēclīve being used as a neut. noun (from dēclivis, -is, -e, steep).
- ↑ dēlātus: i.e. rolling down, lit. what?.
- ↑ concussiōne: concussiō, -ōnis: f, shock.
- ↑ ē: of.
- ↑ auxilī: cf. the note on Standisī, p. 16, 1. 4.