Jump to content

A First Latin Reader/63

Nexus addere
E Wikisource
Herbert Chester Nutting
A First Latin Reader
Lesson 63
The Battle of Saratoga
1912

fons: librum vide
 62. Lost in the Woods 64. Unwelcome Visitors 
LESSON 63
The Battle of Saratoga

Saepe prō patriā fortissimē pugnāvit iste[1] Arnoldius, quī posteā Britannīs prōdere cōnātus est ea castra mūnītissima, quae in rīpā flūminis Hudsōnis posita sunt: et nōn numquam[2] etiam salūtī cīvibus suīs fuit; tantopere enim ā mīlitibus amābātur, ut ipsō[3] adventū suō ad victōriam eōs incitāre posset.

Ōlim Saratōgae[4], cum eius ōrdinem adēmisset[5] imperātor, quōcum[6] simultātem gerēbat[7], ille, sonō proeliī ad aurēs adlātō, “Ego,” inquit, “sī dux esse nōn possum, at saltem manipulāris erō;” quae cum dīxisset, iniussū imperātōris[8] equum cōnscendit celerrimēque in proelium vectus est: ubi mīlitēs, duce vetere cōgnitō, clāmōre sublātō laetī secūtī sunt, atque impetum ācerrimē fēcērunt in eam partem[9], ubi aciēs hostium cōnfertissima vīsa est[10]. Ibi summā virtūte pugnāns Arnoldius est vulnerātus, victōria autem ab Americānīs parta est. Etsī vulnera Arnoldī[11] nōn erant exitiālia, tempus[12] tamen[13] mortī[14] opportūnissimum erat. Odium[15] enim perfidiae[16], quā[17] ille posteā ūsus est, glōriam eius rērum gestārum semper obruet[18]; quīn etiam trāditum est (ut suprā commemorāvī) nē Britannōs quidem, quī eius perfidiā victōriam sē nactūrōs spērāverant, hominem ūllō in honōre habuisse, postquam bellum confectum esset[19].

————————
  1. ↑ iste: that, in the disparaging sense, a frequent meaning of this word; cf. p. 42, l. 21.
  2. ↑ nōn numquam: i.e. sometimes.
  3. ↑ ipsō: mere.
  4. ↑ Saratōgae: for syntax, cf. Philadelphiae, p. 46, l. 1.
  5. ↑ adēmisset: adimō, 3, -ēmī, -emptus: take away.
  6. ↑ quōcum: i.e. quō + cum.
  7. ↑ simultātem gerēbat: simultās, -ātis, f., quarrel, he was at odds.
  8. ↑ iniussū imperātōris: cf. iniussū suō, p. 28, l. 7.
  9. ↑ partem: direction.
  10. ↑ vīsa est: from videor.
  11. ↑ Arnoldī: cf. Standish, p. 16, l. 4.
  12. ↑ tempus: occasion.
  13. ↑ tamen: may be omitted in translation.
  14. ↑ mortī: note the case.
  15. ↑ odium: odium, -ī: n., contempt.
  16. ↑ perfidiae: objective gen.; translate “for”.
  17. ↑ quā: the case regularly used with ūtor.
  18. ↑ obruet: obruō, 3, -ruī, -rutus: lit. overwhelm, dim.
  19. ↑ confectum esset: for mood, cf. the note on admoveantur, p. 61, l. 14.
Receptum de "https://la.wikisource.org/w/index.php?title=A_First_Latin_Reader/63&oldid=218992"