 76. A Dangerous Conspiracy (Continued) |
78. Fortune favors the Brave  |
Ōlim, cum in prōvinciīs, quae ad meridiem spectant, Americānī cum Britannīs diū gessissent bellum ac saepe superātī essent, dux quīdam Americānus ad imperātōrem alium litterās mittere volēbat; at prīmō reperīrī poterat nēmō, quī eās dēferre audēret[1], quod undique hostēs viās obsidēbant. Postrēmō autem mulier quaedam, “Ego litterās adferam,” inquit; “quidvīs audēre mālō, quam[2] domī animō morārī suspēnsō.”
Equō adductō, nūntia[3] sine morā cōnscendit, ac, cōnfēstim profecta, in itinere ab hostibus intercepta est. Quam captam[4] mīlitēs maximā dīligentiā custōdiērunt, dōnec mulier vocārī posset[5], quae litterās quaereret, sī quae[6] forte nūntiae vestīmentīs tēctae essent.
Dum vērō mulier exspectātur, nūntia litterās celeriter perlēgit, cumque eās discerpsisset[7], frāgmenta[8] chartae[9] ēdit singula. Quae rēs eī salūtī fuit[10]: altera enim mulier, cum postrēmō vēnisset, nihil scīlicet invenīre potuit; quārē mīlitēs, veniā contumēliae[11] petītā, nūntiam incolumem abīre passī sunt. Illa autem summā celeritāte ad castra Americāna contendit[12], imperātōremque certiōrem fēcit dē rēbus omnibus, quae in litterīs scrīptae erant.
- ↑ audēret: would venture.
- ↑ quam: (rather) than.
- ↑ nūntia, -ae: F., messenger.
- ↑ captam: i.e. after her capture.
- ↑ posset: could.
- ↑ sī quae: cf. p. 65, l. 2.
- ↑ discerpsisset: discerpo, 3, -cerpsī, -cerptus: tear up.
- ↑ frāgmenta: frāgmentum, -ī: n., bit.
- ↑ chartae: charta, -ae: f., paper.
- ↑ fuit: proved to be.
- ↑ contumēliae: translate the gen. “for”, cf. audāciae, p. 39, l. 2.
- ↑ contendit: pushed on.