![]() |
84. Burned at the Stake ![]() |
Eōdem bellō quīdam colōnī in scaphīs ōlim eō cōnsiliō profectī sunt, ut cum Indīs fīnitimis aut pācem facerent, aut eIs indicerent bellum, sĪ Philippum adiūvāre persevērārent. Ē scaphīs egressī, per agrōs contendēbant colōnī, cum subitō ululātus audītus est, et barbarī impetū repentīno mīlitēs ad lītus sē recipere coēgērunt nam in eō quoque proeliō Indī numerō erant multō superiōrēs; dux enim colōnōrum quīndecim tantum mīlitēs secum tum habēbat.
Is autem, vir summae cōnstantiae, locum idōneum nactus, suōs hortātus est nē sē animō dēmitterent, et ipse ācriter dīmicāvit. Dum rēs sic geritur, animadvertit forte ūnum ē comitibus ita territum, ut nūllō modō pugnāre posset. Quō vīsō, hominem iussit lapidēs comportāre, quī prō mūnitiōne ūsuī essent: quod cum iste faceret, sagitta subitō lapidem percussit, quem manibus ferēbat; quō mīrāculō permōtus (nam vītam a dīs ita servātam esse exīstimābat), animōs homō resūmpsit, summāque virtūte ūnā cum cēterīs pugnāvit.
Brevī tēla colōnōrum dēficere coepērunt; sed nāvis adventū opportūnō servātī sunt. Dux tamen, cum nōllet Indōs putāre sē timōre discessisse, etiam turn in agrīs paulum morātus fontem paulō ante reliquerat.