Annales Cambriae B/XV

Sine Nomine

XV

c. Saeculo XIII

Paginam XIV.	Paginam XVI.

[15a]
circa purificacionem beata marie oppugnato castello hoeli sed non habito totam predam terre cum hominibus secum duxerunt . castellum llan restut longa obsidione ceperunt et custodibus suis seruandum commendauerunt Sed hoelus filius owini {ira} exestuans illud oppidum combussit custodibus occisis . Catell cum {fratribus} suis strat meuruc reedificauit . Catell filius Grif{ini} in venacione iuxta tynebeth uiolentur a francis laceratus loco mortui dimissus est . maredut et resus castellum lychur destruxerunt . Resus uastauit keweilauc . dauid filius mailcolum obiit . Radulphus comes urbis legionum obiit .

[b1177 1155] Anus .m clv .

[b1178 1156] Anus m clvi maredut .f(ilius). grifini obiit . Resus uero iunior et fere solus porcionem illius et fratris sui solus obtinuit et semper augendo uiriliter protexit .

[b1179 1157] Anus m clvii . Catell romam peregrinacionis causa perrexit . Resus filius Grifini audiens owinum de Norwallia ad ceredigeaun uenturum contra eum usque ad aberdewi audacter progressus est . ibique pugnaturus fossam fecit ubi postmodum fundauit castellum .

[b1180 1158] Anus m c lviii . henricus rex anglie norwalliam ditioni sue uolens excercitum ad campestria cestrie duxit ibique tentoria fixit . owinus princeps Norwallie cum filiis suis hoelo . canano et dauid cum ingenti excercitu apud dinas bass{in}g castra metati sunt . ibique uallum erexerunt . hoc audito rex astuta fretus industria ad uallum owini uia littorea tetendit sed antequam peruenisset a conano et dauid hoc idem precauentibus acerrimo certamine susceptus est . multisque suorum amissis quo tendebat euasit . owinus audiens regem sibi a tergo imminere in facie autem excercitum regis nimium uallum deseruit et in loco tutiori se recepit . rex deinde collecta in vnum excercitu ad Ruthlan progreditur ibique castra metatus est . {inter}ea classis regia monie ap

[15b]
plicuit quam insulam optimates bello susceperunt magnamque stragem ex francis obstantibus fecerunt In q{uos} henricus filius Geraldi occisus est uelut alii uolunt filius fuit henrici regis et willelmus trenchemer et alii quamplures . Quo facto rex et owinus pacificati sunt . Catwaladrus terram suam recuperauit rex in angliam rediit

[b1181 1159] Anus m clix . morgant filius owini mab occisus est . Resus filius Grifini solus bellum regi pretendit cum omnes Wallie principes cum rege pacem haberent . omnes ergo suos ad siluestria tewi remouit . videns tamen se tam late regis potentie non posse resistere factis induciis securus curiam regis adiuit et tanquam (inuic)tus regi pacem pepigit . pacto illi a rege cantrefmaur alioque quem Rex uellet intigre non disperse . Rex tamen procerum suorum usus consilio illud cantref secundum ei in diuersis baronum terris diuisum dedit . Resus tamen cepit et sustinuit . Interea Rogerus comes de clara ceredigeaun ut suam ingreditur . castellum stratmeuruc et castellum hunfredi et castellum aberdiwi firmauit . Interea Walterus clifford dominus cantref bechan predam de terra resi abduxit hominesque interfecit . quo audito resus id factum regi ut domino indicauit . Rex illud emendare noluit . familia ergo resi in ultione prede sue castellum llanamdewi obsedit quod resus adueniens primo impetu cepit . Eynan filius anaraud castellum hunfridi destruxit . milites et alios qui in eo erant forti manu occidit . deinde Resus magis in armis quam in dono regis fidens castella per ceredigean a francis facta combussit .

[b1182 1160] Anus .m.c lx . resus combussit castella per demetiam a francis facta . ad Kermerdin excercitum duxit et obsedit . sed aduenient{e} regi{n}aldo comite cornubie obsidio

[15c]
nem dimisit . Goronu bun frater Resi occisus est . Resus deinde homines suos cum (omni)bus suis ad Resterwein remouit . Reginaldus uero comes et comes bristollie et Rogerus comes clarensis et alii duo comites . Catwaladrus quoque filius Grifini et hoelus et conanus filii owini apud dinweileir castra metati sunt . Sed non audentes resum adire uacui domum redierunt .

[b1183 1161] Anus. m°c .lxi . madoc powisorum princeps obiit . lewelinus filius e(i)us occisus est . Catwalaun filius madauc . Eynaun clut fratrem suum tenuit et owino Grif{ini} filio carcerandum tradidit quem owinus francis dedit . Sed per collectaneos et familiares suos de Wirgonia liberatus nocte euasit

[b1184 1162] Anus m c lxii .

[b1185 1163] Anus m.c .lxiii . Resus vi adquisiuit dinwileir et llanamdewri

[b1186 1164] Anus .m c lxiiii . henricus rex anglie cum tocius anglie excercitu et Wallie ad bellandum Resum usque ad penchaidern peruenit . Sed resus cum rege facta pace in angliam iuit . Einaun filius anaraut inclitus dux a Waltero filio liwarch dolose in sompno occisus est . Eadugaun filius maredut a waltero cliford occisus est . magister henricus filius arthen obiit . kediuor archidiaconus de ceredigeaun obiit .

[b1187 1165] Anus m c.lxv . Resus videns regem non soluere sibi promissa videns etiam Rogerum comitem de clara . Walterum proditorem et occisorem . einaun nepotis sui benigne suscepisse . Rogerum comitem infestauit castellum aber rediuail et castellum mebwenniaun ualida manu combussit totamque regionem ceredigeaun obsecundauit postea vero omnes Walenses {nor}wallie suthwallie powisorum iugum francorum vnanimiter respuerunt . exulat beatus Thomas .

[b1188 (1166)] Anus. henricus Rex anglie cum excercitu anglie normannie . flandrie . andegauie . pictauie . et {a}quitannie et scocie ad crucem oswalt