flūmine ad castellum versus per aquam glaciē impedītam summō labōre contendērunt. Barbarī interim paene cotīdiē ē rīpīs tēla coniciēbant; et postrēmō multī ē colōnōrum numerō exitiālī morbō affectī sunt. Quā rē cōgnitā, hostēs ē rīpā scāphīs audācter prōgressī, nāvigium cēpērunt quō aegrī[1] vehēbantur, hominēsque miserōs interfēcērunt omnēs.
Tantīs in perīculīs nōn virī sōlum sed etiam mulierēs virtūtem maximam praestitērunt. Sīcut, cum scapha quaedam in saxō absconditō adhaesisset, mulierēs duae exsiluērunt in aquam frīgidam, scaphamque dē saxō dētrūsērunt, cum alterīus[2] vir[3] hostēs armīs dēterrēbat. Atque in liburnicā quādam puella vix adulta[4] omnibus salūtī fuit; cum enim ab Indīs tēla conicerentur plūrima, virīque sē tegere[5] cōnārentur, haec virgō[6] fortis, cum liburnicam vī flūminis ad rīpam dēferrī animadvertisset[7], gubernāculīs[8] arreptīs nāvem in cursū[9] tenuit, dōnec vulnerāta est; quīn etiam nē tum quidem gemitum ūllum ēdidit, neque ē manibus gubernācula ēlābī[10] passa est.
Et[11] hāc et aliīs aetātibus[12] hominēs crēdulī[13] cōnsuēverant in cavernīs[14] maris frūstrā quaerere nāvēs, quae ōlim gazā
- ↑ aegrī: as noun; cf. vulnerātī, etc..
- ↑ alterīus: of one (of the two).
- ↑ vir: husband.
- ↑ adulta: adultus, -a, -um: part., grown up.
- ↑ sē tegere: i.e. get under cover.
- ↑ virgō: virgō, -inis: f., maiden.
- ↑ cum . . . animadvertisset: translate by a particip. phrase.
- ↑ gubernāculīs: cf. p. 64, l. 9.
- ↑ in cursū: i.e. in the channel.
- ↑ ēlābī: ēlabor, 3, -lapsus sum: cf. prōlabor, slip.
- ↑ Et . . . et: cf. p. 7, l. 2.
- ↑ aetātibus: i.e. temporibus.
- ↑ crēdulī: crēdulus, -a, -um: credulous.
- ↑ cavernīs: caverna, -ae: f., cavern.
