sus est eques, veste candidâ, armis aureis indūtus, hastam vibrans.
Quo prodigio confirmāti Judæi, leōnum, mōre, in hostes irruērunt, et undecem millia peditum, equites mille et sexcentos, prostravērunt.
Rex ipse Eupǎtor, ad opprimendum Jūdam Machabæum, omnes regni sui vīres collēgit: itaque cum centum millibus peditum et viginti millibus equitum in Judæam ingressus est.
Præibant elephanti, vastâ corporis mōle et horrendo stridōre terribiles: singulis belluis impositæ erant ligneæ turres, ex quibus pugnābant milites armāti.
Sed Jūdas, qui potentiæ divinæ magis quàm numero militum confidēbat, isto terrifico belli apparātu non fuit commōtus: in eam castrōrum hostilium pártem irruit, ubi erat tabernaculum rēgis; et occīsis quatuor hominum millibus, tantas opes dissipāvit.
Memorabilis fuit hæc pugna fortitudine et morte Eleazari. Is viderat belluam ūnam cæteris majorem, ac phaleris regiis circumtectam: exis-
