Qui respondit; Timui conspectum tuum, et abscondi me.
Cur times, inquit Deus, nisi quia comedisti fructum vetitum?
Adāmus respondit: Mulier, quam dedisti mihi sociam, porrexit mihi fructum istum, ut ederem.
Dominus dixit mulieri; Cur fecisti hoc? Quæ respondit: Serpens me decēpit.
Dominus dixit serpenti, Quia decepisti mulierem, eris odiōsus et execrātus inter omnia animantia: reptābis super pectus, et comedes terram.
Inimicitiæ erunt inter te et mulierem: ipsa õlim conteret caput tuum.
Dixit etiam mulieri: Afficiam te multis malis; paries liberos in dolōre, et eris in potestāte viri.
Deindè Deus dixit Adāmo; Quia gessisti mōrem uxōri, tuæ habēbis terram infestam: ea fundet tibi spīnas et carduos.
Quæres ex eâ victum cum multo labōre, dōnec abeas in terram è quâ ortus es.
Tùm ejēcit Adāmum et Evam ex borto, ut ille coleret terram; et collocāvit Angelum, qui præ-
