unico: et ego favēbo tibi; remunerūbo splendidè fidem tuam.
Abrahāmus respexit, et vīdit arietem hærentem cornibus inter vepres, quem immolāvit loco filii.
Postea Abrahāmus misit servum suum Eliezerem ad cognātos suos qui erant in Mesopotamiâ, ut indè adduceret uxōrem filio suo Isaāco.
Eliezer sumpsit decem camēlos domini sui, et profectus est, portans sēcum munera magnifica, quibus donāret puellam destinātam Isaāco et ējus parentes.
Ubi pervēnit in Mesopotamiam, constitit cum camēlis propè puteum aquæ ad vesperum, quo tempore mulieres solēbant convenīre ad hauriendam aquam.
Eliezer orāvit Deum his verbis: Domine Deus Abrahāmi, fac ut puella quæ dabit pōtum mihi petenti, ea sit quam Isaāco destinas.
Ecce statim Rebecca virgo eximiâ pulchritudine prodiit gerens urnam humeris; quæ descendit ad puteum, et implēvit urnam.
Tunc Eliezer egressus obviàm puellæ: Da,
