Si Mobile temporibus aqualibus duo pertranseat spatia, erunt ipsa spatia inter se ut velocitates. Et si spatia sint ut velocitates, tempora erunt aqualia.
Assumpta enim superiori figura sint duo spatia ab, bc transacta æqualibus temporibus, spatium quidem ab cum velocitate de, & spatium bc cum velocitate ef. Dico, spatium ab ad spatium bc, esse ut de velocitas ad velocitatem ef; sumptis enim utrinque ut supra, & spatiorum, & velocitatum æque multiplicibus secundum quamcumque multiplicationem scilicet gb & ie, ipsorum ab & de, pariterque hbke ipsorum bcef, concludetur eodem modo ut supra, multiplicia gb, ie vel una deficere, vel æquari, vel excedere æque multiplicia bh, ek. igitur & manifestum est propositum.
Inaqualibus velocitatibus per idem spatium latorum tempora velocitatibus è contrariorespondent.
Sint velocitates inæquales a major, b minor, & secundum utramque fiat motus per idem spatium cd. Dico tempus quo a velocitas permeat spatium cd ,ad tempus quo velocitas b, idem spatium permeat, esse ut velocitas b ad velocitatem a. .png)
Fiat enim ut a ad b, ita cd ad ce; erit igitur ex præcedenti tempus, quo a velocitas conficit cd, idem cum tempore, quo b conficit ce. Sed tempus, quo velocitas b conficit ce, ad tempus quo cadem conficit cd, est ut ce ad cd; ergo tempus, quo velocitas a conficit cd, ad tempus, quo velocitas b idem cd conficit, est ut ce ad cd, hoc est, ut velocitas b ad velocitatem a. quod eracintentum.
