ducatur eb occurrens horizonti ag in g, et ipsarum eg, gb media sit gf. Erit ef ad fb, ut eg ad gf, et quadratum ef ad quadratum fb, ut quadratum eg ad quadratum gf, hoc est, ut linea eg ad gb; est autem eg dupla gb ergo quadratum ef duplum quadrati fb: verum quadratum quoque db duplum est quadrati bc; ergo ut linea ef ad fb, ita db ad bc, et componendo, et permutando, ut eb ad duas db, bc, ita bf ad bc; sed be duabus db, bc est æqualis; ergo bf ipsi bc, seu ba æqualis est. Si igitur intelligatur ab esse tempus casus per ab, erit gb tempus per gb, et gf tempus per totam ge; ergo bf erit tempus per reliquam be, post casum ex g, seu ex a. Quod erat propositum.
Dato perpendiculo, et plano ad eum inclinato ,partem in perpendiculo superiori reperire, que ex quiete conficiatur tempore aæquali ei, quo conficitur planum inclinatum post casum in parte reperta in perpendiculo.
Sit perpendiculum db, et planum ad ipsum inclinatum ac. .png)
Oportet in perpendiculo ad partem reperire, quæ ex quiete conficiatur tempore æquali ei, quo post casum in ea conficitur planum ac. Ducatur horizontalis cb, et ut ba cum dupla ac ad ac,ita fiat ca ad ae, et ut ba ad ac, ita fiat ea ad ar, et ab r ducatur perpendicularis rx ad db; dico x esse punctum quæsitum. Et quia ut ba cum dupla ac ad ac, ita ca ad ae, dividendo erit, ut ba cum ac ad ac, ita ce ad ea, et quia ut ba ad ac, ita ec ad ar,
