quod conficitur per eb tempore æquali tempori per ec, minus esse toto spatio eb. Quod autem idem spatium perpendiculi majus sit, quam ec, manifestum sit sumpta figura præcedentis Propofitionis, in qua partem perpendiculi bg, confici demonstratum est tempore eodem cum bc post casum ab: .png)
hanc autem bg majorem esse quam bc, sic colligitur. Cum be, fb æquales sint, ba vero minor bd, majorem rationem habet fb ad ba, quam eb ad bd, et componendo fa ad ab majorem habet, quam ed ad db, est autem ut fa ad ab ita gf ad fb,(est enim af media inter ba, ag) et similiter ut ed ad db, ita est ce ad eb; ergo gb ad bf majorem habet rationem, quam cb ad be; est igitur gb major bc.
Dato perpendiculo, et plano ad ipsum inflexo, in dato plano partem signare, in qua post casum in perpendiculo fiat motus tempore æquali ei, quo mobile datum perpendiculum ex quiete confecit.
Sit perpendiculum ab, et ad ipsum planum inflexum be: oportet in be spatium signare, per quod mobile post casum in ab moveatur tempore æquali ei, quo ipsum perpendiculum ab, ex quiete confecit.
Sit horizontalis linea ad, cui occurrat in d planum extensum, et accipiatur fb æqualis ba, et fiat ut bd ad df,
